- சபாபுத்திரன் -
தேசிய வாசிப்பு மாதம் - ஒக்டோபர் 2017 ஐ முன்னிட்டு புதுக்குடியிருப்பு பொதுநூலக வாசகர்வட்டம் நடத்தும் "வாசிப்போம் வாழ்வில் உயர்வோம்" தேசிய வாசிப்பு மாத நிகழ்வு இன்று திங்கட்கிழமை பிற்பகல் 2.30 மணிக்கு புதுக்குடியிருப்பு கண்ணகி மகா விவித்தியாலய மண்டபத்தில் வாசகர் வட்ட தலைவர் சி.சுதேஸ்வரன் தலைமையில் நடைபெற்றது. இந்நிகழ்வில்,மட்டக்களப்பு பிராந்திய உள்ளூராட்சி உதவி ஆணையாளர் சட்டத்தரணி கா.சித்திரவேல் முதன்மை அதிதியாகவும் மண்முனைப்பற்று பிரதேச செயலாளர் திருமதி சத்தியானந்தி நமசிவாயம்,மண்முனை பிரதேச சபை செயலாளர் ந.கிருஸ்ணப்பிள்ளை ஆகியோர் சிறப்பு அதிதிகளாகவும் மண்முனை பிரதேச சபை சனசமூக அபிவிருத்தி உத்தியோகத்தர் திருமதி தமயந்தி விஜயகோகுலன், புதுக்குடியிருப்பு கண்ணகி மகாவித்தியாலய அதிபர் வே.தட்சணாமூர்த்தி, புதுக்குடியிருப்பு ஆலய பரிபாலன சபைத் தலைவர் அ.குலேந்திரராசா ஆகியோர் கெளரவ அதிதிகளாகவும் கலந்துகொண்டனர்.
“புதுவை ஒளி” வெளியீட்டினை சமாதான நீதவான் மா.சதாசிவமும் வெளியீட்டுரையை கதிரவன் த.இன்பராசாவும் நயவுரையினை கிழக்குப் பல்கலைக்கழக சுவாமி விபுலானந்தா அழகியற் கற்கைகள் நிறுவக நடன நாடகத்துறை சிரேஸ்ட விரிவுரையாளர் க.மோகனதாஸனும் ஆற்றினர்.
முதற் பிரதியை சமாதான நீதவான் பொ.சின்னத்தம்பி பெற்றுக்கொண்டார். தற்காலத்தில் வாசிப்பு அருகிப் போகின்றது, பெருகி வருகின்றது எனும் தலைப்பில் சிறப்பு பட்டிமன்றமும் இடம்பெற்றது.
